ಹಸಿರು ಕಡ್ಡಿಯ ಸೀರಿ - ಮೂಲ ಜಾನಪದ ಗೀತೆ

ಹಸಿರು ಕಡ್ಡಿಯ ಸೀರಿ ತೋಪು ಮುಸುಕು ಮ್ಯಾಲೆ ಮಾಡಿ 

ಬಿಸಿಲಿಗೆ ಬೆನ್ನ ಮಾಡಿ ನಡಿಯಂಗಾಗೈತಿ 

ಬಾಲನ ಭಾವಕ್ಕಾಗಿ ಬಯಸಂಗಾಗೈತಿ 

ತಿoಗಳರಡೂ ತುಂಬಿ ಬಂತು ಬಾಲ ಮಡಿಲಲಿ ಮೂಡಿ ಬಂತು II 2 II

ಮಿಡಿಯ ಮಾವಿನಕಾಯಿ ತಿನ್ನoಗಾಗೈತಿ 

ಬಿಳಿಯ ಜ್ವಾಳ್ಳದ ರೊಟ್ಟಿ ಎಣ್ಣೆ ಬದನೆಕಾಯಿ ಪಲ್ಯ  II 2 II

ಮಾಳಿಗೆ ಮ್ಯಾಲ ಕೂತ್ಕೊಂಡು ತಿನ್ನoಗಾಗೈತಿ 

ಎಳ್ಳು ಹಚ್ಚಿದ ರೊಟ್ಟಿ ಎಳೆಯ ಚವಳಿಕಾಯೀ ಪಲ್ಯ  II 2 II

ಹೊಂಗೆಯ ನೆರಳಲಿ ಕೂತ್ಕೊಂಡು ತಿನ್ನoಗಾಗೈತಿ 

 ಹರಕಲು ಮುರಕಲು ಕರ್ಚಿಕಾಯೀ ಹಪ್ಪಳ ಸಂಡಿಗೆ ಉಪ್ಪಿನಕಾಯಿ II 2 II

ಹೊಳೆಯ ಡಂಡಿಲಿ ಕೂತ್ಕೊಂಡು ತಿನ್ನoಗಾಗೈತಿ 

ಹೂಗಾರ ಮನೆಗೆ ಹೋಗಿ ಹೂವಿನ ದಂಡಿ ಹೆಣೀಸಿಕೊಂಡು II 2 II

ಗಂಡನ ಪಕ್ಕದಲಿ ಕೂತ್ಕೊಂಡು ಮುಡಿಯOಗಾಗೈತಿ 

ನಿಂತರೆ ಸೊಂಟ ನೊಯ್ಯುತೈತಿ ಕುಂತರೆ ಬೆನ್ನ ಮಲಗತೈತಿ II 2 II

ತವರೀಗೆ ಹೋಗಿ ನನಗ ಕುಂದ್ರoಗಾಗೈತಿ